Fortnite Турнири

April 28, 2021 Dejan Cvetkovski Fortnite

И во Fortnite постојат многу турнири, како и во останатите е-Спортови, а ние денеска ќе ви го претставиме Fortnite World Cup, кој има богат награден фонд, а тој во 2019 година изнесуваше неверојатни 30 милиони долари и турнирот се одржа од 26 до 28 јули во Њујорк.

Fortnite World Cup користи два мода на видео-играта Fortnite. Главниот дел од турнирот користи Fortnite Battle Royals, видео-игра во која 100 играчи се спуштаат на остров без никаков оружје или опрема. Откако се на земја, тие мора да бараат оружја, опрема и останати предмети за лекување,  а секирата која доаѓа со нив на почетокот се користи за да добијат дрва, камења и останати ресурси.

Тоа мора да се напраив со избегнување на напади од останати играчи, кои се на мапата, која постојано се стеснува во одреден круг. Играчите може да користат ресурси за да изградат ѕидови, под и скали кои ќе се користат како одбрана од нападите на останатите ривали. Последниот играч кој ќе остане победува. Во Fortnite Creative, играчите може да градат уникатни места, кои ќе се користат за натпреварување меѓу други играчи.

Fortnite World Cup има онлајн настан кој трае 10 недели од април до јуни. Овие недели се користат од страна на соло играчите. Секоја сабота играчите добиваат одреден регион во кој треба да се натреваруваат и да одиграат до 10 натпревари од кои собираат поени преку елиминации и победи. Најдобрите 3.000 играчи/тимови од секој регион потоа се натпреваруваат во недела, повторно за да добиваат поени.

Најдобрите 10 од секој регион ќе се пласираат на Светското првенство. Околу 40 милиони играчи се натпреваруваат соло и во тимови за големиот настан. Во финалето на Светското првенство, натпреварувачите играат по шест меча, каде што собираат поени. Соло играчот или тимот кој ќе собере најмногу поени по шест натпревари ја добива главната награда, додека останатите добиваат дел од наградниот фонд. Сите соло играчи добиваат најмалку 50.000 долари зашто стигнале до финале, додека главната награда изнесува три милиони долари. Исто така, за тимовите наградите се 100.000 долари, додека главната награда е три милиони долари.

Fortnite Creative Cup е онлајн настан во кој се бираат играчи за финалето, а се одржува во рок од април до јуни. Секоја недела е достапен нов предизвик, а играчите на островот мора да објават видео од предизвикот во тој период. За секој период, се бираат три најдобри играчи од судиите. Секој од нив заработува 5.000 долари и добива место во финалето на Creative Cup.

Epic Games ја објави оригиналната верзија Fortnite: Save the World која беше достапна од јули 2017 година. Инспирирана од тоа, Epic објави и Fortnite Battle Royals во септември 2017 година, која набрзо стигна до 125 милиони играчи, а притоа заработката од играта достигна 2,4 милијарди долари.

Fortnite World Cup е поделен на два настани, еден за соло играчите, како и еден за тимовите составени од два играчи, кои играат по шестс натпревари.

Настанот во 2019 година во соло беше одржан на 28 јули, а најдобар беше Американецот Кајл Гирсдорф, кој заработи три милиони долари. Форматот во соло е составен така што секој од играчите добива одреден број на поени во секоја рунда. Првото место од секој меч добива по 10 поени, од второ до петто добиваат по седум поени, од шесто до 15. место по пет поени и од 16 до 25 место по три поени. Истото важи и за натпреварите во тимови.

Epic може да се пофали дека на турнирот, односно World Cup биле присутни 23.700 гледачи, а исто така околу 2,3 милиони луѓе го гледале настанот преку Twitch и Youtube.

Be the first to comment

Leave a Reply

Your email address will not be published.


*